Bëgnodüs sön mia plata internet!

I á inom Carolina Lezuo, i sun da La Val - Alta Badia. I laori sciöche babysitter y i pîti animaziun por mituns por de vigni sort de ocajiuns.

Sce i adorëis na porsona fidabla che ciares de üsc mituns canche sëis demez, sunsi disponibla da se pité n sorvisc de babysitting. I feji mi miú por pité segurëza y naturalmënter tröp devertimët a üsc pici, por che i podëis jí dô a üsc impëgns sënza se cruzié.

I viri a La Val y pîti mi laur te düc i paîsc dla Val Badia, implü ince a Reba y ti raiuns dlungia.

Sura de me...

Ciaré de mituns é tres stada mia gran pasciun, i sun contënta che i pó fá chësc sciöche mi laur. Te mi agn de esperiënza cun mituns ái albü l'ocajiun da laoré cun mituns de vigni eté. Da pici popi de püc mëisc, a pici mituns coriusc da esploré l monn, fina a mituns te sü "teenage years".

Liesse les rezensiuns de geniturs pro chi che i á bele laoré.

Deplü sura de me

Ciodiche al me sá tan bel ciche i feji
Mituns é i mi preferiti. Ai me dëida tres recordé da me gode l momënt y avëi ligrëza cun les piceres cosses dla vita. Ince sce al é n laur por chël che an adora tröpa energia y paziënza, me sal beliscimo y me dá tröpa sodisfaziun.

Canche i ne feji nia babysitting
poste me ciafé alaleria, i vá dër gion sö por munt, d'invern cun i schí y al me sá ince dër bel da fá yoga. Implü sunsi na persona creativa, i pastelnëi gion, lî libri y cianti dër gion. Al me sá tres bel canche i pó porté ite mi interesci te mi laur, sides da pastelné, mo ince da lí stories dla buna nöt o da esploré la natöra.

En püch sura mies esperiënzes passades
Tl passé ai lauré sciöche babysitter por vari hotí dl Alta Badia y por privac. Implü ai laoré sciöche maestra dla scolina y sciöche colaboradëssa dl Sorvisc ai Jogn Val Badia, olache i á organisé l proiet d'isté "Isté Deboriada", por mituns dla scora elementara, varies manifestaziuns y program por l "laur davert por la jonëza" por scolars dla mesana. I á na formaziun da pedagoga dla natöra (Naturpädagogin). Tl untim tëmp ai albü l onur de lauré cun les organisadësses de Dolomites Wedding Planner www.dolomitesweddingplanner.com , sciöche assistënta.
I á n curs de pröm aiüt y i m impegnëi tres da mioré mi savëi y por asiguré l miú servisc poscibl por mi cliënc.

Ciodí iö?

I sun na porsona flessibla y afidabla: I me adatëi snel a vigni situaziun y me impegnëi dagnora da pité l'miú sorvisc por mi cliënc.
Idees creatives de intratenimënt: Ti agn ai podü abiné adöm n grüm de idees de jüc y intrategnimënt por mituns de vigni eté. I pó ion me tó para patüc da fá la blëita y ater material, ciara ciche an pó düt se impresté dessot.
Certificada y cun esperiënza: Cun na certificaziun de pröm aiüt y mia esperiënza de tröc agn cun mituns, feji düt l poscibl por garantí la sigurté te vigni momënt.

Liede les recensiuns da pert de geniturs che me conësc y che me á denant bele adoré sciöche babysitter.

Sometimes parents deserve a treat too, it might not be candy...

Sortes de babysitting

Babysitting por evënc

Nozes
Festes de familia
Conferënzes
Evënc aziendai
Festes privates

Babysitting privat

Sorvisc de babysitting te hotel o a ciasa
Sorvisc de babysitting de de o de nöt
Disponibilité ince tl fin dl'edema

Babysitting por evënc

Él ince geniturs sön tüa lista di inviá a tó evënt? Iö sun chiló por me curzié di mituns y i fá devertí sides ala festa o demez dala festa, por che podëis se concentré sön l evënt tra adulc.

Contatëieme y godete la festa!

Babysitting privat

Anfat sce te adores n pü' de tëmp por te instës, sce te os organisé na cëna por dui o te ás debojëgn da rové do cun laurs de vigni sort. I ciari che ara ti vais bun a tü mituns, a ciasa tüa, te hotel o ince alaleria.

Este arjigné da reservé? Scrime n'email.

Imprëst de jüc

Al é la poscibilité da reservé extras! Gion me toli para patüc da pastelné, libri o ater da soghé cun tü mituns, ciara dessot ciche al é düt a disposiziun!